Aktivitäten - Mundart - Veranstaltungen

Mundartabend 2018 - Ein Bericht "op platt" von Achim Egenberger

Mongkarto-evend…

… em Ratinger Brauhuus

Am Zwölefte (12.Oktober) hät do Mongkartkries von de Ratinger Jonges mo-el widder zom Mongkarto-evend enjelade.

Do Mongkartbaas Achim Egenberger konnt suwat öm de sibbetesch (70) Jäst bejröße. En janze Re-ih von denne ko-eme schon öm sechs, öm sesch de beste Plätz zo seschere. Be-i de Jäst hätte sesch för et Kumme on be-i de Metwirkende för de Vörberiedonge bedankt.

Och do nö-ije Vicebaas von de Ratinger Jonges, do Dr. Edgar Dullny, hät et sesch nit ne-ehme lo-ete, e paar nette Wö-ed aan et Publikum on de Metwirkende zo rischte.

Do offizjelle i-eschte Deel vom Projramm wu-ed enjelütt met dem jeme-insam jesongene „Jongesleed“. Donoh stunge ensjesamt  noch aachti-en (18), deels besennlesche, historische, äwwer för alle Denge löstije Dönekes on längere Jescheschte om Projramm. Et wu-ed op alle Fälle völl jelacht.
Töschen de Vördräsch wu-eden met de Jäst jeme-insam bekannte Leeder uut em Leederheft jesonge. Et wo-eren äwwer och dre-i (3) e-ijene Komposizjone dobe-i. He on do hät et be-im Senge jeklemmt, äwwer wenn et an et Loope ko-em, jing et flott wieder. Wie mer senn konnt, hät dat äwwer kinnem jestürt, se wo-ere jo och all selvs bede-ilescht.

Kott vör nüng (9) Uhr wo-er dat Projramm dörsch on do Mongkartbaas hät sesch noch ens be-i alle Jäst on Metwirkende bedankt.
En janze Re-ih von de Jäst es donoh noch sette jebli-ewe on hant jeme-isam jeschwaad on lamentiert. Mo kann et vostonn, wemmer weeß, dat sesch mansche Jäst mer eemo-el em Johr treffe, on dat be-im Mongkarto-evend.

He meuhte mer noch en Terminanköndijong loswede. Em Dezember jövt et em Ratinger Medienzentrum am Peter-Brüning-Platz en Voanstaltong met nem we-ihnachtlesche Mongkartprojramm. De Frau Dr. Erika Münster-Schröer hät de Voanstaltong op de Been jestellt. Do jenaue Termin wü-ed onger angerem noch he en de Ziedong bekannt jemaaht.

Mo süht sesch also,

öhre Achim